ვაკანსიის დასახელება: ხაზინის ჯგუფის უფროსი;
სამუშაოს ტიპი: სრული განაკვეთი;
სამუშაო ადგილი: ქ.თბილისი, ქეთევან დედოფლის გამზ. #68;
განცხადების მიღების ბოლო ვადა: 14.08.2026
სს მიკრობანკი „ემბისი“ აცხადებს ვაკანსიას ხაზინის ჯგუფის უფროსის პოზიციაზე.
კომპანიის შესახებ:
სს მიკრობანკი ემბისი 10 წელზე მეტია ოპერირებს ქართულ საფინანსო ბაზარზე და ერთ-ერთ ყველაზე სწრაფად მზარდ და თანამედროვე ფინანსურ ინსტიტუტს წარმოადგენს. ემბისი ორიენტირებულია მცირე და საშუალო ბიზნესის დაკრედიტებაზე და აღნიშნულ სეგმენტს საბანკო სერვისების სრულფასოვან ასორტიმენტს სთავაზობს. კომპანია საქართველოს 8 რეგიონში 18 სერვის ცენტრითაა წარმოდგენილი და მისი მუშაობის მთავარი პრინციპებია: მომსახურების მაღალი სტანდარტი, სერვისის სისწრაფე და სიმარტივე, მომხმარებლებთან გრძელვადიანი, გამჭვირვალე და ორმხრივად სასარგებლო ურთიერთობის ჩამოყალიბება. ემბისი ერთ-ერთია იმ მცირერიცხოვან ქართულ ორგანიზაციებს შორის, რომელიც საერთაშორისო საინვესტიციო ინსტიტუტების ფინანსური მხარდაჭერით სარგებლობს. კომპანიას საქმიანობის მანძილზე მრავალი საერთაშორისო თუ ადგილობრივი აღიარება აქვს მოპოვებული.
ძირითადი მოვალეობები:
- ბანკის სავალუტო პოზიციის დაცვა;
- ბანკის მიერ დადგენილი კომერციული კურსების მონიტორინგი/შესრულებული ნაღდი და უნაღდო კონვერტაციების მონიტორინგი;
- სავალუტო პოზიციის გახსნა/დახურვასთან დაკავშირებით, ლიმიტის ფარგლებში, გადაწყვეტილების მიღება;
- ლიკვიდობის მართვა და ოპერაციების წარმოება;
- სხვადასხვა ფინანსური ინსტრუმენტებით ვაჭრობა: საერთაშორისო სახელმწიფო და კორპორატიული ფასიანი ქაღალდები, საპროცენტო დერივატივები და ფულადი ბაზრის სხვა ინსტრუმენტები.
- ფასიანი ქაღალდების პორტფელის მართვაში აქტიური მონაწილეობა, სტრატეგიის მომზადება და აღსრულება;
- კონტრაგენტებთან ურთიერთობის მართვა და განვითარება;
- პორტფელის პერფორმანსის დღიური ანალიზი და კომენტარების მომზადება ბანკის მენეჯმენტისთვის;
- პარტნიორ ორგანიზაციებთან საინკასაციო მომსახურების შესახებ დოკუმენტაციის გაფორმება და შენახვა;
- გუნდის მრავალმხრივ ამოცანებზე მუშაობა და ფინანსური ანალიზების მომზადება;
- ხაზინის საქმიანობასთან დაკავშირებული ყოველდღიური და ყოველთვიური ანგარიშგების გაკეთება;
- გუნდის სტრატეგიულ ინიციატივებზე მუშაობა და ჩართულობა;
- ფინანსურ ბაზრებზე მიმდინარე სიახლეების, ტრენდების და ცვლილებების დღიური ანალიზი;
- ეროვნული ბანკის ანგარიშგების მომზადებაში მონაწილეობის მიღება;
- ბანკის ყოველწლიური ბიუჯეტის დაგეგმვაში მონაწილეობის მიღება.
საკვალიფიკაციო მოთხოვნები:
- უმაღლესი განათლება ფინანსების, ბიზნეს ადმინისტრირების, ეკონომიკის, ან მომიჯნავე დარგის მიმართულებით;
- ძირითადი, საბაზისო ფინანსური ინსტრუმენტების ცოდნა;
- მსგავს პოზიციაზე მუშაობის მინიმუმ 1 წლიანი გამოცდილება;
- ინგლისური და რუსული ენების ცოდნა;
- სასურველია Bloomberg-თან მუშაობის გამოცდილება.
- საოფისე კომპიუტერული პროგრამების (MS Office) ცოდნა.
პიროვნული თვისებები და უნარები:
- გუნდური მუშაობის უნარი;
- ანალიტიკური აზროვნების უნარი;
- დეტალებზე ორიენტირებულობა;
- პასუხისმგებლობის მაღალი გრძნობა;
- პრობლემის გადაჭრის და გადაწყვეტილების დამოუკიდებლად მიღების უნარი;
- კარგი ზეპირი და წერილობითი კომუნიკაციის უნარი;
- სოციალურად გახსნილი და სხარტად მოაზროვნე;
- კეთილსინდისიერი, მოტივირებული, შრომისმოყვარე, ორგანიზებული.
