ვაკანსიის დასახელება: სტაჟირება - IT მხარდაჭერის უმცროსი სპეციალისტი;

სამუშაოს ტიპი: სრული განაკვეთი;

სამუშაო ადგილი: ქ. თბილისი, ქეთევან დედოფლის გამზ. #68;

განცხადების მიღების ბოლო ვადა: 17.08.2026

სს მიკრობანკი "ემბისი" აცხადებს ვაკანსიას  IT მხარდაჭერის უმცროსი სპეციალისტის პოზიციაზე.

კომპანიის შესახებ:

სს მიკრობანკი ემბისი 10 წელზე მეტია ოპერირებს ქართულ საფინანსო ბაზარზე და ერთ-ერთ ყველაზე სწრაფად მზარდ და თანამედროვე ფინანსურ ინსტიტუტს წარმოადგენს. ემბისი ორიენტირებულია მცირე და საშუალო ბიზნესის დაკრედიტებაზე და აღნიშნულ სეგმენტს  საბანკო სერვისების სრულფასოვან ასორტიმენტს სთავაზობს. კომპანია საქართველოს 8 რეგიონში 18 სერვის ცენტრითაა წარმოდგენილი და მისი მუშაობის მთავარი პრინციპებია: მომსახურების მაღალი სტანდარტი, სერვისის სისწრაფე და სიმარტივე, მომხმარებლებთან გრძელვადიანი, გამჭვირვალე და ორმხრივად სასარგებლო ურთიერთობის ჩამოყალიბება. ემბისი ერთ-ერთია იმ მცირერიცხოვან ქართულ ორგანიზაციებს შორის, რომელიც საერთაშორისო საინვესტიციო ინსტიტუტების ფინანსური მხარდაჭერით სარგებლობს. კომპანიას საქმიანობის მანძილზე მრავალი საერთაშორისო თუ ადგილობრივი აღიარება აქვს მოპოვებული.

ძირითადი ფუნქცია-მოვალეობები:

• ორგანიზაციის თანამშრომლების ტექნიკური მხარდაჭერა;
• ოპერაციული სისტემებისა და სამომხმარებლო პროგრამული უზრუნველყოფის ინსტალაცია პერსონალურ კომპიუტერებზე;
• კომპიუტერული ტექნიკის დაზიანების აღმოფხვრა;
• თანამშრომლების კონსულტირება კომპიუტერულ ტექნიკასთან მუშაობის საკითხებზე;

საკვალიფიკაციო მოთხოვნები და უნარები:

• სასურველია, ოპერაციული სისტემების ცოდნა;
• სასურველია, აპარატული უზრუნველყოფის ტექნიკური ექსპლუატაციის რეჟიმების ცოდნა;
• აპარატული უზრუნველყოფის დაზიანების დიაგნოსტირება;
• სამომხმარებლო პროგრამული უზრუნველყოფის ცოდნა;
•  გუნდური მუშაობის უნარი;
• ანალიტიკური აზროვნების უნარი;
• ორგანიზებული და შედეგზე ორიენტირებული;
• სწავლის და განვითარების სურვილი.