ვაკანსიის დასახელება: უმცროსი AML სპეციალისტი;

სამუშაოს ტიპი: სრული განაკვეთი;

სამუშაო ადგილი: ქეთევან დედოფლის გამზ. #68;

განაცხადის მიღების ბოლო ვადა: 03.08.2026.

სს მიკრობანკი „ემბისი“ აცხადებს ვაკანსიას თბილისში  უმცროსი AML სპეციალისტის პოზიციაზე.

კომპანიის შესახებ:

სს მიკრობანკი ემბისი 10 წელზე მეტია ოპერირებს ქართულ საფინანსო ბაზარზე და ერთ-ერთ ყველაზე სწრაფად მზარდ და თანამედროვე ფინანსურ ინსტიტუტს წარმოადგენს. ემბისი ორიენტირებულია მცირე და საშუალო ბიზნესის დაკრედიტებაზე და აღნიშნულ სეგმენტს  საბანკო სერვისების სრულფასოვან ასორტიმენტს სთავაზობს. კომპანია საქართველოს 8 რეგიონში 18 სერვის ცენტრითაა წარმოდგენილი და მისი მუშაობის მთავარი პრინციპებია: მომსახურების მაღალი სტანდარტი, სერვისის სისწრაფე და სიმარტივე, მომხმარებლებთან გრძელვადიანი, გამჭვირვალე და ორმხრივად სასარგებლო ურთიერთობის ჩამოყალიბება. ემბისი ერთ-ერთია იმ მცირერიცხოვან ქართულ ორგანიზაციებს შორის, რომელიც საერთაშორისო საინვესტიციო ინსტიტუტების ფინანსური მხარდაჭერით სარგებლობს. კომპანიას საქმიანობის მანძილზე მრავალი საერთაშორისო თუ ადგილობრივი აღიარება აქვს მოპოვებული.

ძირითადი ფუნქცია-მოვალეობები:

• მიკრობანკის სხვადასხვა სტრუქტურული ერთეულებიდან მიღებული ინფორმაციის ინფორმაციის გაანალიზება და იდენტიფიკაციის პროცესში ჩართულობა;
• მონიტორინგის დაქვემდებარებული გარიგებების (ოპერაციების) შესახებ ინფორმაციის მიღების პროცესის ეფექტურობის უზრუნველყოფა;
• საოპერაციო დღის განმავლობაში მიკრობანკის მასშტაბით შესრულებული გარიგებების (ოპერაციების) კონტროლი, მონიტორინგს დაქვემდებარებული გარიგებების (ოპერაციების) გამოვლენა და საქართველოს ფინანსური მონიტორინგის სამსახურისთვის ანგარიშგების წარდგენა, დადგენილი წესითა და დადგენილ ვადებში;
• მონიტორინგის პროცესთან  დაკავშირებული საკითხების შესახებ მიკრობანკის თანამშრომლების კონსულტაციის გაწევა, მათ შორის, კლიენტის იდენტიფიკაციის და შესწავლის პროცესში  მათ მიერ ფულის გათეთრებისა და ტერორიზმის დაფინანსების რისკების შეფასება;
• საქართველოს ფინანსური მონიტორინგის სამსახურის მიერ მოთხოვნილი დამატებითი ინფორმაციის მოძიება და დროულად წარდგენა;
• საქართველოს ეროვნული ბანკის ზედამხედველობის ანგარიშგების შედგენაში მონაწილეობის მიღება;
• საქართველოს ეორვნული ბანკის მიერ ადგილზე შემოწმებასთან დაკავშირებულ საჭირო ღონისძიებებში მონაწილეობის მიღება;
• მონიტორინგის პროცესის უკეთესად წარმართვის მიზნით, პროგრამული უზრუნველყოფის დანერგვაში მონაწილეობა და ტესტირება;
• გარიგებების (ოპერაციების), მათი მონაწილე პირებისა და გარიგებასთან (ოპერაციასთან) დაკავშირებული სხვა ინფორმაციის კანონით გათვალისწინებული ფორმითა და ვადით შენახვა.

საკვალიფიკაციო მოთხოვნები და უნარები:

• სავალდებულოა, უმაღლესი განათლება იურიდიული, ეკონომიკის, ბიზნესის ადმინისტრირების ან მომიჯნავე მიმართულებით;
• სავალდებულოა, საბანკო საქმიანობის მარეგულირებელი საკანონმდებლო მოთხოვნების ცოდნა, ფულის გათეთრების და ტერორიზმის დაფინანსების აღკვეთის ხელშეწყობის საკანონმდებლო მოთხოვნების ცოდნა;
• სასურველია, საფინანსო სფეროში მუშაობის მინიმუმ 1 წლიანი გამოცდილება;
• ინგლისური და რუსული ენების ცოდნა;
• საოფისე კომპიუტერული პროგრამების ცოდნა;
• ანალიტიკური აზროვნება;
• დეტალებზე ორიენტირებულობა;
• პასუხისმგებლობის მაღალი გრძნობა;
• გუნდური მუშაობის უნარი;
• კრიტიკულ სიტუაციებში სწრაფი რეაგირების და გადაწყვეტილების დამოუკიდებლად მიღების უნარი.

ჩვენ გთავაზობთ:

• თეორიულ და პრაქტიკულ სწავლებას, რომელიც დაგეხმარებათ განავითაროთ პროფესიული უნარები;
• ჯანმრთელობის დაზღვევის პაკეტს;
• კარიერული ზრდის შესაძლებლობას;
• დასაქმებულის საპენსიო შენატანი (4%) სრულად ფინანსდება კომპანიის მხრიდან.